Мадриднинг “Атлетико” клуби ҳимоячиси Марио Эрмосо УEФА Чемпионлар лигаси гуруҳ босқичининг 5-тур учрашувида “Фейеноорд” устидан қозонилган ғалаба ҳақида гапирди. “Матрасчилар” 3:1 ҳисобида зафар қучди.
“Биз ўз руҳиятимизни кўрсатдик, тўпни яхши назорат қилдик ва яхши қарши ҳужумга ўтдик. “Атлетико” бир қанча қулай вазиятлар яратди. Ўйлайманки, биз кўпроқ гол уришимиз мумкин эди. Аммо биз натижадан ва плей-оффга чиққанимиздан мамнунмиз", - дея хабар беради УEФА матбуот хизмати.
Сўнгги тур олдидан Диего Симеоне шогирдлари 11 очко билан “Э” гуруҳида биринчи ўринда бормоқда.
