"Милан"нинг собиқ техник директори Пауло Мальдини келажаги ҳақидаги саволга жавоб берди.
“Мен ҳеч қачон бошқа италян клубига ўтишга рози бўлмайман. Балки фақат бошқа лигадаги топ-клубга. Саудия Арабистони? Ким билади... балки бу ёмон фикр эмасдир", - дея Мальдинининг сўзларини келтиради Repubblica.
Аввалроқ 55 ёшли мутахассис хизматларига франциялик машҳур ҳужумчи Карим Бензема тўп тепаётган Саудия Арабистонининг “Аль-Иттиҳод” клуби қизиқаётгани ҳақида хабар берилганди.
"Аль-Иттиҳод" 15 ўйинда 28 очко тўплади ва Саудия Арабистони чемпионати турнир жадвалида тўртинчи ўринда бормоқда.
