Икки топ инглиз клуби ўтган ёзда "Ланс"дан трансфер қилинганидан кейин Бундеслигадаги дебют мавсумини ўтказаётган "РБ Лейпциг" ҳужумчиси Луи Опендага эътибор қаратмоқда. Журналист Саша Тавольери берган маълумотларга кўра, 23 ёшли бельгиялик футболчига "Ньюкасл" ва "Ливерпуль" қизиқмоқда.
Опенда Германия чемпионатидаги илк мавсумини яхши бошлади, 13 турда 10 гол ва 3 голли узатмани амалга оширди. Ўтган мавсумда Луи Франция чемпионатида 38 ўйинда 21 гол уриб, энг яхши тўпурарлардан бирига айланди.
Эслатиб ўтамиз, “РБ Лейпциг” ёзда Опенда учун 38 миллион евро тўлаган эди. Ҳужумчи "буқалар” тарихидаги энг қиммат трансферга айланди.
