Лондоннинг "Челси" клуби собиқ футболчиси Жанфранко Дзола "Наполи" ҳужумчиси Виктор Осимхеннинг трансфери клуб учун қанчалик фойдали бўлиши ҳақида ўз фикрини билдирди.

"Менимча, Осимхен айни дамда дунёнинг энг яхши ҳужумчиларидан бири. Унда ўзгача энергия ва гол уриш қобилияти бор. Менимча, у Премьер-лигада муваффақият қозона олади. Ҳозирги "Челси"ни ҳисобга олсак, Осимхен бу жамоада ўзини кўрсата олади деб ўйлайман. Ўйлайманки, Виктор клубда кўп нарсани яхши томонга ўзгартиришга қодир", — деди Дзола The Obi One билан суҳбатда.

Эслатиб ўтамиз, Осимхен "Наполи" билан 2025 йилнинг ёзида якунига етадиган шартномасини ҳали узайтиргани йўқ. Бу қишда неаполликлар нигериялик ҳужумчини қўйиб юборишлари даргумон, аммо ёзда трансфер амалга ошиши мумкин.