"Челси" бош мураббийи Маурисио Почеттино ўз жамоасидаги тартиб-интизом муаммолари билан қандай курашаётгани ҳақида гапирди.
Эслатиб ўтамиз, "кўклар" жорий мавсумда сариқ карточкалар сони бўйича Англия Премьер-лигасида пешқадамлик қилмоқда.
"Жамоа йиғилишида сариқ карточкалар билан боғлиқ вазиятни муҳокама қилдик. Қоидалардаги ўзгаришлар туфайли биз бир қатор сариқ карточкаларни олдик. Биз ақллироқ бўлишимиз керак. Биз жуда кўп аҳмоқона сариқ карточкаларни оламиз. Агар Николас Жексон ҳақида гапирадиган бўлсак, у ҳакам билан келишмовчиликлар туфайли жуда кўп сариқларни олди. У ҳакамдан рақибини сариқ карточка билан жазолашни сўради, бироқ якунда низолар туфайли уни ўзи олди", — деди Почеттино матбуот анжуманида.
