"Астон Вилла" ярим ҳимоячи Дуглас Луис учун 110 миллион фунт стерлинг нарх белгилади, дея хабар бермоқда Football Transfers нашри.
Манбага кўра, клуб "Арсенал" каби жамоаларнинг қизиқишини кучайтириш учун шундай нарх белгилаган.
Луис 2019 йилнинг июль ойида "Манчестер Сити"дан "Астон Вилла"га ўтган эди. Трансфер суммаси 16,8 миллион еврони ташкил этганди. Ўйинчининг клуб билан шартномаси 2026 йилнинг ёзига қадар мўлжалланган. Transfermarkt 25 ёшли бразилиялик футболчини 55 миллион еврога баҳоламоқда.
Жорий мавсумда Луис 23 та ўйин ўтказиб, 6 та гол урди ва 4 та голли узатмани амалга оширди.
15 турдан кейин "Астон Вилла" 32 очко билан АПЛ турнир жадвалида учинчи ўринда бормоқда. Чемпионатда "Арсенал" етакчилик қилмоқда (36 очко).
Эмери шогирдлари навбатдаги ўйинни "Арсенал"га қарши ўтказади. "Вилла Парк" стадионидаги учрашув 9 декабрь куни Тошкент вақти билан соат 22:30да бўлиб ўтади.
