Франциянинг "Лион" клубида ўйнаётган 20 ёшли франциялик ярим ҳимоячи Райан Шерки Англия Премьер-лигасида ўйнаш имкониятига эга. Бу ҳақда Teamtalk нашри хабар бермоқда.
Манбага кўра, умидли ярим ҳимоячига Лондоннинг "Вест Хэм" клуби қизиқиш билдирмоқда. Футболчининг трансфер қиймати 30 миллион еврога баҳоланмоқда ва унинг "тақачилар" билан шартномаси 2025 йилнинг ўрталарига қадар тузилган.
Франциянинг жорий чемпионатида Шерки 14 та ўйин ўтказиб, битта голли узатмани амалга оширди. "Лион" жорий мавсумда ёмон ўйин кўрсатмоқда ва Лига 1нинг 14-туридан кейин сўнгги ўринни эгаллаб турибди.
