"Барселона" ўз таркибини кучайтиришни режалаштирмоқда.
Журналист Фернандо Полонинг ёзишича, Каталония грандининг нишонида “Эвертон”ярим ҳимоячиси Амаду Онана турибди.
Онананинг асосий позицияси - таянч ярим ҳимоячи. Шу билан бирга у ҳимоя марказида ҳам, майдон марказида ҳам ҳаракат қилишга қодир.
Аввалроқ, матбуотда "Барселона" Ориол Ромеу ўрнига янги футболчи олмоқчи эканлиги ҳақида маълумотлар пайдо бўлганди.
Амаду Онана 22 ёшда, Transfermarkt портали футболчини 50 миллион еврога баҳоламоқда. Айтиш жоизки, Онана Бельгия терма жамоаси сафида тўққизта ўйин ўтказган.
