«Барселона» ҳужумчиси Роберт Левандовски «Жирона»га қарши ўйинда (2:4) жамоасининг мағлубияти ҳақида гапирди.
Польшалик ушбу ўйинда гол урди, аммо бу Хави Эрнандес шогирдларига мағлубиятдан қутулиб қолишга ёрдам бермади, клуб чемпионат жадвалида тўртинчи ўринга тушиб кетди.
«Менимча, рақиб биздан қайсидир жиҳатларда устун эди. Биз баъзи режаларни қилишга ҳаракат қилдик, лекин қила олмадик.
Биз ишлашда ва ижобий фикрлашда давом этишимиз керак. Биз қўлимиздан келганини қилдик, лекин бу бизнинг кунимиз эмас эди.
Биз қийин ўйин ўтказишимиз кераклигини билардик. Энди биз нима бўлганини таҳлил қилиб, қолган ўйинларда ғалаба қозонишга ҳаракат қилишимиз керак», - деди Левандовски ўйиндан кейинги интервьюсида.
