"Барселона" спорт директори Деку "Жирона"дан учралган мағлубиятдан кейинги ҳолат ҳақида гапирди.
Хави Эрнандес шогирдлари ўз майдонида 2:4 ҳисобида мағлуб бўлишди. "Жирона" 16-турдан кейин 41 очко билан Ла Лига турнир жадвалида пешқадамлик қилмоқда, "Барселона" 34 очко билан тўртинчи ўринда.
"Биз ўйинни яхши бошладик, аммо ғалаба қозониш учун етарлича кучимиз йўқ эди. Албатта, биз ғалаба қозониб, биринчи ўринга яқинлашишни истардик, аммо ҳеч нарса ҳал бўлмади, биз курашни давом эттиришимиз керак", - деди Деку Barca Universal билан суҳбатда.
Кейинги турда "Барселона" сафарда "Валенсия"га қарши ўйнайди (16 декабрь), ундан уч кун олдин эса Чемпионлар лигаси доирасида Бельгиянинг "Антверпен" жамоаси майдонига ташриф буюради.
