"Манчестер Юнайтед"нинг собиқ ҳимоячиси Гари Невилл бош мураббий Эрик тен Хагнинг истиқболлари ҳақида гапирди.

“Борнмут”дан ўз майдонида қабул қилинган аламли мағлубият (0:3) жамоатчиликни яна бир бор нидерландиялик мураббийнинг “қизил иблислар” бошқарувида қолмаслиги керак деган фикрларни уйғонтди.

"Мен у учун фақат шу ҳафтадаги "Бавария" ва "Ливерпул"га қарши ўйинлар учун эмас, балки умуман хавотирдаман. Умид қиламанки, тен Хаг қандайдир тарзда вазиятни ўзгартиради - акс ҳолда биз Сульшер, Моуриньо ва ван Гал мисолларида кўрганимиздек, муаммолар юзага келиши муқаррар.

Тен Хагни бу мавсумда ишдан бўшатиб бўлмайди. Унинг истеъфоси ҳақидаги ғоя мутлақо бемаънилик. Муаммолар бошқарувдан келиб чиқади, улар қурилган тузилманинг йўқлиги билан боғлиқ. Бу ўн йилдан бери содир бўлмоқда", - деди Невилл Sky Sports нашрига берган интервьюсида.