«Унион Берлин» марказий ҳимоячиси Леонардо Бонуччи 2017 йилнинг ёзида «Реал»га ўтиши мумкинлигини тан олди.
«Реал Мадридга ўтишга жуда яқин эдим. Буларнинг барчаси 2017 йилнинг ёзида «Ювентус» ва мен Кардиффда Чемпионлар лигаси финалида «Реал»га ютқазганимиздан кейин содир бўлди.
Менинг агентим музокаралар олиб борди, қизиқиш жуда жиддий эди, лекин якунда битим тузилмади.
«Реал Мадрид» 30 ёшдан ошган футболчини харид қилмасликка қарор қилди, лекин асосий эътиборни ёш ҳимоячиларга қаратди.
Бу трансфер амалга ошмаган бўлсада, яхши бўлди. Менда «Реал»га нисбатан меҳр, ҳурмат ва ҳайрат ҳисси бор», - деди Бонуччи Marca нашрига.
