Начо «Реал»нинг Чемпионлар лигасида «Унион» устидан қозонилган ғалабасидан сўнг (3:2) ўз фикрларини билдириб ўтди.

«Биз Берлинга фақат ғалаба қозониш ҳақида ўйлаб келдик, гарчи биз аллақачон плей-оффга чиққандик ва гуруҳда ғалаба қозонган эдик. Ушбу клубда ўйнаганингизда, эмблема сизни ғалаба қозонишга мажбур қилади. Ҳар доим.

Биз ҳаммамиз ўзимизни жамоанинг муҳим ўйинчисидек ҳис қиламиз ва ўз ишимизни яхши бажаришимиз кераклигини англаймиз. Қаранг, бугун гол урган йигитлар қандай ишонч кўрсатишди.

Кўрамиз, плей-оффга ҳали анча узоқ. Энди биз Ла Лигада йилни яхши якунлашимиз керак», - деди «Реал» ҳимоячиси.

16-турдан сўнг Мадрид клуби Ла Лигада «Жирона»дан 2 очко ортда қолиб, 2-ўринни эгаллаб турибди.