"Севилья" бош мураббийи Диего Алонсо Чемпионлар лигаси гуруҳ босқичи 6-тури доирасидаги “Ланс”дан учралган мағлубият (1:2) ва еврокубоклардан чиқиб кетганидан сўнг, жамоа аввалги учрашувларда яхшироқ ҳаракат қилиши кераклигини айтди.
"Бу футболчилар ва мухлислар учун жуда оғриқли зарба. Еврокубоклардаги ўйинимизни якунлаганимиз жуда ачинарли. Икки ҳафта олдин биз ПСВ билан ўйинда 2:0 ҳисобида олдинда эдик, ҳаммаси ўз қўлимизда эди, биз 1/8 финал босқичи учун курашишимиз мумкин эди, шунда бугун бизни дуранг натижа ҳам қониқтирарди" - деди Алонсо УЕФА расмий сайтига.
