Рафаэль Варан келаси ёзда "Манчестер Юнайтед"ни текинга тарк этиши мумкин.
Франциялик ҳимоячи 2021 йилнинг августида “Манчестер Юнайтед” жамоасига келиб қўшилган эди. Инглиз клуби 2025 йилгача мўлжалланган шартнома имзолаганини эълон қилди. Ушбу трансфер "Юнайтед"га 34 миллион фунт стерлингга тушди, яна 8 миллион фунт стерлинг бонус тўловларига киритилган.
The Athletic хабарига кўра, шартнома аслида 2024 йилгача амал қилади ва уни бир йилга узайтириш имкониятини ўз ичига олади. Шу тариқа, 30 ёшли футболчи жорий мавсум якунланганидан кейин эркин агентга айланиши мумкин.
Январ ойидаёқ Варан бошқа клублар билан музокаралар олиб бориш ва дастлабки келишувга эришиш ҳуқуқига эга бўлади. Аввалроқ "Юнайтед" футболчини қишки трансфер ойнасида сотишга тайёрлиги ҳақида хабар берилганди.
Премьер-лиганинг жорий мавсумида Рафаэль 8 ўйин ўтказиб, 1 гол урган.
