Каталониянинг "Барселона" клуби "Ривер Плейт"нинг 17 ёшли ҳужумчиси Клаудио Эчеверрининг трансферини ҳозирча амалга ошира олмаяпти.
Журналист Фабрицио Романо берган маълумотларга кўра, молиявий фейр-плей қоидалари "кўк анорранглилар"га аргентиналик футболчининг трансфери учун футболчининг шартномасида товон пули сифатида кўрсатилган 25 миллион евро сарфлашига йўл қўймайди.
Олдинроқ Эчеверри "Ривер Плейт" билан шартномани узайтириш нияти йўқлигини маълум қилганди. Футболчининг Aргентина клуби билан амалдаги шартномаси 2024 йилнинг декабрида якунига етади.