Ўзбекистон ва Қозоғистон ёшлар терма жамоалари ўртасидаги ўйиндан кейинги матбуот анжуманида Сергей Боровский ниманинг эвазига ўзбекистонликлар устидан ғалаба қозонганига изоҳ бериб ўтди.

"Кетма-кет бешинчи ўйинни ўтказиш қийин. Бизнинг гуруҳ мураккаб эди. Боз устига, Ўзбекистон билан иккита ўйин ўтказдик. Кучли рақибларга қарши ўйнаганимизда ўсишимиз мумкин. Биз Россияга қарши ўйиндан кейинги кайфиятимиздан халос бўлдик, Ўзбекистон эса ҳали бундай вазиятдан чиқиб кета олгани йўқ, менимча. Менга Россиядан кўра кўпроқ Ўзбекистон ёқади. Жамоада ниманидир ўзгартириш керак эди. Ўзбекистон терма жамоаси бугунги ўйинга бошқачароқ тактика танлаганини кўрганимдан кейин, трибунага чиқиб ўтирдим. Юқоридан  туриб баҳолашим лозим эди. Лунин аввалги ўйинларда ўзини яхши томондан кўрсатганди. Ушбу ўйинда эса бошқача прессинг қўлладик ва Муртазаев кўп вазиятлардан фойдалана олмадик. У бугун 4та гол уриши керак эди. Юқори савияга чиқиши учун у ҳали ўсиши керак. Умуман олганда, ўйинимиз қовушди. Йигитлар ўзларига ишонч ҳосил қилган ҳолда ҳаракат қилишди. Мен ўзимизнинг федерациядан Ўзбекистон терма жамоаси билан ўртоқлик ўйинларини ўтказишни сўрайман", дея ўз фикрини билдирди Қозоғистон ёшлар терма жамоаси бош мураббийи.