"ПСЖ" келаси ҳафтада иккита янги футболчининг трансферини эълон қилишни режалаштирмоқда, дея хабар беради инсайдер Фабрицио Романо.
Манба берган хабарга кўра, "Сан-Паулу"нинг 20 ёшли ҳимоячиси Лукас Беральдо ва "Коринтианс"нинг 18 ёшли ярим ҳимоячиси Габриэль Москардо "ПСЖ"га ўтади.
Ўтган мавсумда Бералдо барча мусобақаларда 48та ўйин ўтказиб, 1та гол урган. Унинг “Сан-Паулу” билан шартномаси 2028 йилнинг декабригача амал қилади. Transfermarkt портали ҳимоячини 15 миллион еврога баҳоламоқда.
Москардо ўтган мавсумда "Коринтианс" таркибида 37 та ўйинда 1 та гол ва 1 та голли узатмага муаллифлик қилган. Ярим ҳимоячининг шартномаси 2026 йилгача мўлжалланган. Унинг нархи ҳам 15 миллион еврони ташкил қилади.
