Футбл тарихи ва статистикаси халқаро федерацияси (IFFHS) терма жамоалардаги 2023 йилнинг энг яхши мураббийлар рейтингини эълон қилди.

Аргентина терма жамоаси устози Лионель Скалони 1-ўринни эгаллади. Экспертлар ўртасида ўтказилган сўровномада у 185 очко тўплади. Ушбу мутахассис кетма-кет иккинчи марта ушбу совринни қўлга киритмоқда.

Иккинчи ўринни Дидье Дешам (Франция) эгаллаган бўлса, Роберто Мартинес (Португалия) кучли учликка кирди.

IFFHS версиясига кўра терма жамоалардаги 2023 йилнинг энг яхши мураббийлар рейтинги:

1. Лионель Скалони, Аргентина – 185 очко;
2. Дидье Дешам, Франция – 112;
3. Роберто Мартинес, Португалия – 61;
4. Луис де ла Фуэнте, Испания – 56;
5. Марсело Бьелса, Уругвай – 43;
6. Хадзиме Мориясу, Япония – 20;
7. Гарет Саутгейт, Англия – 19;
8. Силвиньо, Албания – 16;
9. Волид Реграгий, Марокаш – 15;
10. Стив Кларк, Шотландия – 7.