Лондоннинг “Тоттенхэм” клуби бош мураббийи Aнже Постекоглу аввалроқ жароҳати сабаб бир неча ҳафта майдонга туша олмаган марказий ҳимоячи Микки ван де Веннинг сафга қайтишини эълон қилди.
“Микки шу ҳафтада жамоа билан машғулотларни бошлади. Эртага "Бёрнли" билан ўйинда майдонга тушишига ишончим комил эмас, лекин кенгайтирилган таркибга албатта киритилади.
Ван де Вен бироз вақтни ўтказиб юборди, шунинг учун унинг қайтишига эҳтиёт бўлишимиз керак", деди Постекоглу матбуот анжуманида.
Эслатиб ўтамиз, ёзда “Тоттенхэм” 22 ёшли ван де Вен учун Германиянинг “Вольфсбург” клубига 40 миллион евро тўлаган эди.
