"Манчестер Юнайтед" бош мураббийи Эрик тен Хаг клубнинг янги хўжайини Жим Рэтклифф билан учрашди.
Унинг INEOS компанияси яқинда "қизил иблислар"нинг 25% улушини сотиб олди ва клуб футбол ишларини бошқаришни ўз қўлига олди.
“Aйтишим керакки, учрашув ижобий ўтди. Биз узоқ вақт, бир неча соат гаплашдик. Биз кўп масалаларда бир саҳифадамиз, бу ижобий ва конструктив бўлди.
Биз биргаликда ишлашни интиқлик билан кутамиз. Катта ўзгаришлар бўладими? Менимча, бу ҳақда гапиришга ҳали эрта. Бизда яхши ғоялар бор, лекин нима қилишимиз мумкинлигини кўришимиз керак.
Биз ишлаймиз, бир кунда ҳеч нарса ўзгармайди. Биз янги эгаларнинг стратегиялари ва баъзи ғояларини муҳокама қилдик. Биз ишлаймиз”, деди Тен Хаг журналистларга.
