«Ан-Наср» ва Португалия терма жамоаси ҳужумчиси Криштиану Роналду афсонавий Диего Марадона совринини қўлга киритди.
38 ёшли португалиялик 2023 йил календарь йилининг энг яхши тўпурари сифатида бу совринни қўлга киритади.
Роналду 54 та гол урди. Роналду 19-январь куни Дубайда бўлиб ўтадиган Globe Soccer Awards маросимида эсдалик мукофотини олади.
Роналду ушбу тантанали кечада яна бир қанча мукофотларга сазовор бўлиши мумкин. Масалан, у Яқин Шарқдаги энг яхши футболчи соврини учун курашмоқда. Эслатиб ўтамиз, Криштиану Роналду бир йил аввал «Манчестер Юнайтед» билан шартномаси бекор қилинганидан кўп ўтмай «Aн-Наср»га кўчиб ўтганди.
