«An-Nasr» va Portugaliya terma jamoasi hujumchisi Krishtianu Ronaldu afsonaviy Diyego Maradona sovrinini qo‘lga kiritdi.
38 yoshli portugaliyalik 2023 yil kalendar yilining eng yaxshi to‘purari sifatida bu sovrinni qo‘lga kiritadi.
Ronaldu 54 ta gol urdi. Ronaldu 19-yanvar kuni Dubayda bo‘lib o‘tadigan Globe Soccer Awards marosimida esdalik mukofotini oladi.
Ronaldu ushbu tantanali kechada yana bir qancha mukofotlarga sazovor bo‘lishi mumkin. Masalan, u Yaqin Sharqdagi eng yaxshi futbolchi sovrini uchun kurashmoqda. Eslatib o‘tamiz, Krishtianu Ronaldu bir yil avval «Manchester Yunayted» bilan shartnomasi bekor qilinganidan ko‘p o‘tmay «An-Nasr»ga ko‘chib o‘tgandi.
