Туркиянинг “Галатасарой” клуби Испаниянинг “Барселона” клуби билан 20 ёшли ҳимоячи Алекс Бальде трансфери бўйича музокараларга киришди, дея хабар бермоқда A Spor нашри. Истанбулликлар футболчини олти ойга ижарага олмоқчи.
Манбага кўра, испан жамоаси Бальдени янада ривожлантириш учун ижарага бермоқчи. Футболчининг ўзи ҳам "Барселона"даги тартибсиз вазият туфайли клубини вақтинча ўзгартиришга қарши эмас. Қайд этилишича, трансфердаги ягона тўсиқ - "кўк-анорранглилар"нинг ҳимоячини савияси юқорироқ чемпионатга ижарага бериш истаги.
Эслатиб ўтамиз, Алекс Каталония клуби тарбияланувчиси ҳисобланади. У 2022 йилнинг ёзида "Барселона" асосий жамоасига ўтди. Жорий мавсумда Бальде клубнинг барча турнирларда 23 та учрашувида қатнашиб, битта голли узатмани амалга оширди.
Футболчининг испан клуби билан амалдаги шартномаси 2028 йилнинг ёзига қадар тузилган. Transfermarkt портали Бальденинг бозор қийматини 50 миллион еврога баҳолаган.
