"Реал Мадрид" ярим ҳимоячиси Эдуардо Камавинга кечагина майдонга қайтди.
У икки ойни ўтказиб юборганди. "Қирол кубоги" доирасида "Aрандина"га қарши ўйинда футболчи янги жароҳати шубҳалари туфайли 59-дақиқада алмаштирилди.
“Камавинга белида жароҳат олган, аммо у ҳозир яхши. Ферлан Менди ҳам қайтади ва кейинги ўйинларда иштирок этади”, - деди “Реал” бош мураббийи Карло Aнчелотти матбуот анжуманида.
21 ёшли Камавинга "Реал"даги учинчи мавсумини ўтказмоқда. Трансфермаркт франциялик футболчининг бозор нархини 90 миллион еврога баҳоламоқда.
