Сешанба ва чоршанба кунлари Aнглия Лига кубогининг биринчи ярим финали, икки ҳафтадан сўнг иккинчи ярим финал ўйинлари бўлиб ўтади.
Турнир финалига биринчи йўлланма учун “Мидлсбро” ва “Челси”, иккинчи йўлланма учун “Ливерпуль” ва “Фулхэм” жамоалари кураш олиб боради.
"Мидлсбро" ўз рақибини қабул қиладиган "Риверсайд"да ВAР тизими йўқ. Ярим финалда барча иштирокчилар учун тенг шароит яратиш мақсадида Футбол лигаси ярим финалнинг барча тўртта ўйинида ВAР тизимидан фойдаланмасликка қарор қилди. Бу ҳақда Telegraph ўз саҳифаларида сўз юритади.
Aнглия Лига кубогининг амалдаги ғолиби "Манчестер Юнайтед" ҳисобланади. Ўтган мавсум финалида Эрик тен Хаг жамоаси "Ньюкасл"ни мағлуб этганди.