"Барселона"нинг собиқ футболчиси Дани Алвес ҳозир ҳибсда, суд жараёни кутилмоқда - футболчи жинсий зўравонликда гумон қилинмоқда. Ҳозирда Алвес молиявий активларига эга эмас, шунинг учун у Неймар ва унинг оиласига ёрдам сўраб мурожаат қилди.
UOL нашри хабарига кўра, Неймарнинг отаси Дани Алвес учун 150 минг евро ўтказган. Бу пул етказилган зарарни қоплаш учун сарфланади. Уларнинг тўлови, агар Алвес айбдор деб топилса, жазони қисқартириш учун асос бўлиши мумкин.
Неймарнинг оиласи ҳам Дани Алвесга адвокат борасида ёрдам берган.
Эслатиб ўтамиз, Неймар ҳозирда клуб миқёсида "Ал-Ҳилол" шарафини ҳимоя қилмоқда.