Мадриднинг “Реал” клуби ярим ҳимоячиси Федерико Вальверде “Атлетико”га қарши бўлиб ўтадиган Испания Суперкубоги ярим финал учрашувидан олдинги фикрлари билан ўртоқлашди.
"Биз жуда ҳаяжондамиз. Яна чемпионлик ва яна дерби. Ўйлайманки, бу йил биз кўплаб совринлар учун курашишга қодир эканимизни кўрсатадиган яхши ўйин. Суперкубокдаги навбатдаги ғалабадан хурсанд бўламан", - деди Вальверде Madrid Universal билан суҳбатда.
10 январь, чоршанба куни Саудия Арабистонида бўлиб ўтадиган ўйинда “Реал” ва “Атлетико Мадрид” клублари ғолибни аниқлашга ҳаракат қилишади. Учрашувнинг бошланиши Тошкент вақти билан 23:59га белгиланган.
Эслатиб ўтамиз, ўтган йили Суперкубок турнир финалида "Реал"ни мағлуб этган (3:1) "Барселона"га насиб қилганди.
