Қанот ҳужумчиси Жейдон Санчо яна Дортмунднинг "Боруссия" либосини кийишга имкон қадар яқин. Нуфузли инсайдер Фабрицио Романонинг ижтимоий тармоқларда хабар беришича, 23 ёшли Санчо Дортмунд клуби учун тиббий кўрикдан ўтмоқда.
Агар ҳаммаси яхши бўлса, футболчи "бамбллар" билан шартнома имзолайди. Аввалроқ, "Боруссия" Санчони "Манчестер Юнайтед"дан мавсум охиригача ижарага олиши ва бунинг учун маълум миқдорни тўлаши хабар қилинганди.