"Милан" ва "Фенербахче" ярим ҳимоячи Раде Круничнинг қишки трансферининг барча тафсилотлари бўйича келишиб олди. Бу ҳақда инсайдер Маттео Моретто ижтимоий тармоқлар орқали маълум қилди.
Журналистнинг хабар беришича, турк гранди босниялик футболчининг трансфери учун уч миллион евро, шунингдек, 1,5 миллион бонус тўлайди. Бугун давомида Крунич тиббий кўрикдан ўтиш ва шартнома имзолаш учун Истанбулга учиб кетади.
Раде миланликлар жамоасида 2019 йилдан бери ўйнаб келмоқда. Жорий мавсумда ярим ҳимоячи “россонерилар” сафида 14 та ўйинда қатнашиб, гол ура олмади.
