"Челси" ярим ҳимоячиси Коул Палмер Лондон клубига ўтиши ҳақида гапирди. Эслатиб ўтамиз, ўтган ёзда 21 ёшли футболчи "Манчестер Сити"дан "кўклар" лагерига кўчиб ўтганди.
"Қайсидир пайт мен "Манчестер Сити"да мунтазам ўйнашни бошлашга тайёр эканлигимни ҳис қилдим, аммо у ерда таркиб қанчалик кучли эканини биласиз. У ерда менда деярли ҳеч қандай имконият йўқ эди. Нима бўлганда ҳам, ҳаммаси яхши бўлганидан мамнунман", - деди Палмер.
Жорий мавсумда 21 ёшли футболчи “Челси” либосида 21 та ўйинда иштирок этиб, 8 та гол урди ва 7 та голли узатмани амалга оширди.
