Туриннинг "Ювентус" клуби Италия чемпионати 20-турининг сўнгги ўйинига тайёргарлик кўрмоқда, сешанба куни Массимилиано Аллегри шогирдлари "Сассуоло"га қарши майдонга тушади.
Туринликлар устози мавсумнинг биринчи ярми ўз клуби учун қандай ўтганидан мамнун.
"Мавсумнинг биринчи ярмини яхши ўтказдик. Лекин чемпионатнинг иккинчи ярмини бошлаш муҳим. Аслида, ҳамма нарса нолдан бошланади. Менга футболчиларнинг доимий равишда ўрганиш ва ривожланиш истаги билан майдонга тушиши ёқади", - деди Массимилиано Аллегри ITASportPress билан суҳбатда.
"Ювентус" айни дамда А Серияда иккинчи ўринда бормоқда.
