Мадриднинг "Реал" клуби ва Испания терма жамоаси собиқ дарвозабони Икер Касильяс кеча Лондонда бўлиб ўтган The Best FIFA Football Awards 2023 якунлари ҳақида танқидий фикр билдирди.
"Сиз яхши мукофотлар яратасиз ва уларни оляпсиз, шу билан адолатсизлик қиляпсиз. Буларнинг барчаси кўпроқ "Табассум" маросимига ўхшайди. Нима бўлган тақдирда ҳам, ҳаммага хайрли тун!" - деб пост қолдирди Касильяс ижтимоий тармоқда.
Эслатиб ўтамиз, ФИФА талқини бўйича 2023 йилнинг энг яхши футболчиси Аргентина терма жамоаси ва “Интер Майами” ҳужумчиси Лионель Месси бўлди. Энг яхши мураббий "Барселона"нинг собиқ бош мураббийи, ҳозирда "Манчестер Сити"ни бошқараётган Пеп Гвардиола деб топилди. ФИФА талқинига кўра, ўтган йилнинг энг яхши аёл футболчиси "Барселона" вакили Айтана Бонмати бўлди.
Эслатиб ўтамиз, Месси “Манчестер Сити” ҳужумчиси Эрлинг Холанд билан бир хил очко жамғарган бўлса-да, бу совринни терма жамоа сардорларининг кўпроқ овози эвазига олганди.
