Франция Молия вазирлиги бразилиялик ҳужумчи Неймарнинг "Барселона"дан "ПСЖ"га ўтиши бўйича тергов доирасида тинтув ўтказди. Бу ҳақда L’Équipe нашри хабар берди.
Манбага кўра, 15 январь, душанба куни Молия вазирлигида тинтув ўтказилган бўлиб, уни коррупция ва солиқ фирибгарлигига қарши курашиш марказий бошқармаси полицияси ходимлари ўтказган. Қайд этилишича, ҳуқуқ-тартибот идоралари Неймарнинг 2017 йилда амалга оширилган "Барселона"дан "ПСЖ"га трансферини текширмоқда. Трансфер солиқ қонунчилигини четлаб ўтиш орқали амалга оширилган бўлиши мумкин.
Неймар 6 йилни "ПСЖ"да ўтказди, ўтган ёзда ҳужумчи Саудия Арабистонининг "Ал-Ҳилол" клубига ўтди. Парижликлар билан бирга бразилиялик футболчи беш марта Франция чемпионлигини, уч мартадан мамлакат кубоги ва Суперкубогини қўлга киритган.
