Ўзбекистон миллий терма жамоасининг сўнги йиллардаги асосий дарвозабони Игнатий Нестеров Гонгконг терма жамоасига қарши ўтказилган ўйинда, расмий ўйинлардаги “қуруқ” серия, яъни ўз дарвозаси даҳлсизлигини сақлаб қолиш бўйича бўйича ўз рекордини янгилади.. Эндиликда янги рекорд 388 дақиқани ташкил қилади.
Нестеров учун бу рекорд ўтган йилнинг 12 октябрь куни БАА терма жамоасига қарши ўтказилган ўртоқлик ўйинидан бошланди. Айнан шу ўйиннинг 62-дақиқасида мезбонлар ярим ҳимоячиси Саид Ал-Касирий томонидан урилган голдан буён Игнатий ўз дарвозасини “қулф”да сақлаб келмоқда.
12.10.2012 БАА – Ўзбекистон 2:2 (сўнги 28 дақиқа)
16.10.2012 Қатар – Ўзбекистон 0:1 (90 дақиқа)
14.11.2012 Эрон – Ўзбекистон 0:1 (90 дақиқа)
01.02.2013 Ўзбекистон – Озарбайжон 0:0 (90 дақиқа)
06.02.2013 Ўзбекистон – Гонгконг 0:0 (90 дақиқа)
Жами: 388 дақиқа.
350 дақиқадан иборат олдинги рекорд ҳам Нестеровга тегишли бўлиб, 2007/2008 йиллар давомида ўрнатилган эди:
22.08.2007 Украина – Ўзбекистон 2:1 (сўнги 25 дақиқа)
13.10.2007 Ўзбекистон – Хитой Тайпейи 9:0 (90 дақиқа)
28.10.2007 Хитой Тайпейи – Ўзбекистон 0:2 (90 дақиқа)
21.11.2007 Ўзбекистон – Эстония 0:0 (Нестеров бу ўйинда 45 дақиқа тўп сурди)
06.02.2008 Ливан – Ўзбекистон 0:1 (90 дақиқа)
22.03.2008 Ўзбекистон – Иордания 4:1 (дастлабки 10 дақиқа)
Жами: 350 дақиқа
Терма жамоамиз сафида "қуруқ" серия бўйича мутлоқ рекордчи Павел Бугало саналади. У 1999/2000 йилларда 447 дақиқа давомида ўз дарвозаси даҳлсизлигини сақлаб қолган.
