"ПСЖ" бош мураббийи Луис Энрике ҳужумчилар Гонсалу Рамуш ва Рендал Коло-Муани ҳақида ўз фикрлари билан ўртоқлашди.
Ҳар икки футболчи ҳам парижликлар сафига ўтган ёзда келиб қўшилганди, бироқ омма фикрига кўра, ҳали ҳам уларга билдирилган умидларни оқлагани йўқ.
Миш-мишларга ишонадиган бўлсак, ҳатто Энрике ҳам Рамуш ва Коло-Муанининг асосий ўйинларда жамоага ёрдам бера олишига шубҳа қилмоқда. Бироқ, мураббийнинг ўзи бу масалада бутунлай бошқача гапиради.
"Гонсало вирус туфайли озган, аммо сўнгги бир неча ҳафта ичида ўзини анча яхши ҳис қилмоқда. Рамуш ҳам, Коло-Муани ҳам энг яхши ҳужумчилар, иккаласидан ҳам мамнунман. Улар клубнинг бугуни ва, умид қиламанки, келажаги.
Ўтган ёзда улар билан шартнома имзолаганимиздан жуда хурсандман", - дея Луис Энрикедан иқтибос келтиради Франция ОAВ.
