Ла Лига Винисиус Жуниорга нисбатан ирқчиликни суриштирмоқда.

Воқеа пайшанба куни Испания Кубогининг 1/8 финали доирасидаги “Атлетико” – “Реал” (4:2) учрашуви олдидан содир бўлди – мезбонлар мухлислари “Винисиус, сен маймунсан!” дея ҳайқиришди.

Мамлакат кубоги Испания Қироллик футбол федерацияси шафелигида ўтказилаётганига қарамай, Ла Лига бу воқеа акс этган видеони далил сифатида “Атлетико Мадрид” мухлисларининг хатти-ҳаракатларини қораламоқда.

2022 йил сентябрь ойида “Атлетико” мухлислари бразилиялик футболчини ўз стадионида айнан шу сўзлар билан ҳақоратлаганди.