"Байер"нинг чап қанот ҳимоячиси Aлехандро Гримальдо мавсумни жуда сермаҳсул ўтказмоқда.
Испаниялик футболчи Бундеслигада "РБ Лейпциг"га қарши ўйинда (3:2) иккита голли узатмани амалга оширди.
Иккинчи ҳолатда эса, 91-дақиқада "доричилар"га ғалаба келтирган голни урган Пьеро Инкапига ассист берганди.
Squawka таъкидлаганидек, Гримальдо жорий мавсумда Европанинг етакчи лигаларида ҳимоячилар орасида энг кўп муваффақиятли узатмаларни амалга оширган - саккиз марта.
"Бенфика"нинг собиқ футболчиси 2023/24 йилги Премьер-лигада 7 та голли узатмага эга бўлган Киран Триппьер ("Ньюкасл") ва Педро Поррони (Тоттенхэм) ортда қолдирди.
Эътиборлиси, Гримальдода 7 та гол ҳам бор - Бундеслига ҳимоячилари орасида энг яхши натижа.
