Пеп Гвардиола УЕФА президенти Александер Чеферинга жавоб қайтарди.
Аввалроқ, Чеферин "Манчестер Сити" молиявий фэйр-плей қоидалари бузганликда айбдор эканлигига ишонч билдирган эди. УЕФА раҳбари "Манчестер Сити"нинг 2020 йилги Чемпионлар лигасидан четлатилгани ва бу қарорнинг CAS томонидан бекор қилиниши ҳақида гапирар экан, "Биз ҳақ бўлганимизни биламиз. Аммо биз жиддий демократияда суд қарорини ҳурмат қилишимиз керак".
"У адвокат сифатида ва УЕФА президенти сифатида кутиши ва кейин хоҳлаганини қилиши керак. У буни ҳурмат қилиши ва кутиши керак. Унинг УЕФАда қиладиган ишлари кўп. Адвокат процедурани ҳурмат қилиши ва ўзимизни ҳимоя қилишга ҳаққимиз борлигини тушуниши керак", — деди "Манчестер Сити" устози.
2020 йилнинг февралида УЕФА "Манчестер Сити"ни икки йилга еврокубоклардан четлаштирган ва молиявий фэйр-плей қоидаларини бузгани учун клубга 30 миллион евро миқдорида жарима солганди. Спорт арбитраж суди (CAS) клубнинг апелляциясини қаноатлантирди ва у Чемпионлар лигасида ўйнашда давом этди.
Премьер-лига ҳозирда "Манчестер Сити"даги эҳтимолий молиявий қоидабузарликларни текширмоқда.
