"Эспаньол" ҳужумчиси Мартин Брэйтуэйт Aнглия премьер-лигасига ўтиши мумкин.
Daily Express хабарига кўра, "Манчестер Юнайтед" ва "Челси"га "Барселона"нинг 32 ёшли собиқ ҳужумчиси Брэйтуэйтнинг хизматлари таклиф қилинган, у ҳозирда Испания иккинчи лигасида "Эспаньол" сафида ўйнайди.
Мумкин бўлган трансфер тафсилотлари ошкор этилмаган. Жорий мавсумда Брэйтуэйт барча мусобақаларда 23 та ўйинда майдонга тушиб, 11 та гол урди ва 1 та голли узатмани амалга оширди.
Ҳужумчининг клуб билан амалдаги шартномаси 2025 йилнинг ўрталарига қадар тузилган. Transfermarkt портали футболчининг нархини уч ярим миллион еврога баҳоламоқда.
