"Борнмут"нинг уэльслик ярим ҳимоячиси Дэвид Брукс Чемпионшип клубига ўтишга яқин турибди.
Таниқли инсайдер Фабрицио Романонинг хабарига кўра, "Саутгемптон" Уэльс терма жамоаси футболчисини "гилослар" раҳбарияти билан мавсум охиригача ижарага олишга келишиб бўлган. Битимнинг бошқа шартлари ошкор этилмаган. 30 январь, сешанба куни 26 ёшли футболчи янги клуби билан шартнома имзолашдан олдин тиббий кўрикдан ўтади.
Жорий мавсумда Брукс 18 та ўйин ўтказиб, 3 та гол ва 3 та голли узатмани амалга оширди. Transfermarkt портали футболчининг нархини тўққиз миллион еврога баҳоламоқда.
