"Ювентус" ҳужумчиси Мойзе Кин тез орада ижара асосида "Атлетико Мадрид"га ўтади.

Италиялик футболчи жорий мавсум охиригача "матрасчилар" сафида тўп тепади ва шартномада сотиб олиш варианти мавжуд эмас, аммо "Бьянконерилар" раҳбарияти форвардни келаси ёзда сотишни истамоқда, дея хабар беради италиялик ОАВ.

Қайд этилишича, “Ювентус” Кенан Йилдизга ишонишни режалаштирган, жорий мавсумда яхши ўйин кўрсата олмаган Кинга эса таркибдан жой бўлмаслик эҳтимоли катта.

Мойзе Киннинг шартномаси 2025 йилнинг ўрталарига қадар амал қилади ва унинг трансфер нархи 18 миллион еврога баҳоланмоқда.