Франциянинг «ПСЖ» жамоаси Испанияга сафар уюштириб кичик ҳисобда ғалаба қозонди.

Асосан аргентиналик легионерлар эвазига жамоа кетма иккита гол киритиб ҳисобда олдинга чиқиб олишди. Аввалига Пасторе - Лавесси комбинациясини Эзекиль муваффақиятли якунлаган бўлса, кейинги вазиятда Лукас Моуранинг пасини Пасторенинг ўзи муваффақиятли якунлади.

Барча французлар томонига қараб кетгандек эди. Иккинчи бўлимда «Валенсия»нинг ўйинни кучайтиргани ҳам вазиятни ўзгартирмаётгандек, кўринганди. Бироқ 90-дақиқага келиб «Валенсия» ҳимоячиси Одил Рами ҳисобдаги фарқни қисқартирди. Орадан бир дақиқа ўтиб эса ажабтовур қилиқлари ва голлари билан ажралиб турадиган Златан Ибраҳимович бу сафар қизил карточка билан сийланиб, жавоб учрашуви олдидан жамоасининг ҳолатини бироз бўлсада мураккаблаштирди.

Чемпионлар лигаси
1/8 финал
Дастлабки учрашувлар

ВАЛЕНСИЯ (Испания) – ПСЖ (Франция) 1:2 (0:2)
Голлар: Рами (90) – Лавесси (10), Пасторе (43).
Валенсия: Гуаита, Жоау Перейра, Рами, Р. Кошта, Гуардадо, Парехо, Банега (Каналес, 46), Тино Коста, Фегули (Виера, 84), Жонас (Вальдес, 46), Сольдадо.
ПСЖ: Сиригу, Жайе, Алекс, М. Сако, Максвелл, Матюиди, Верратти, Лукас Моура (Шантом, 53), Пасторе (Арман, 88), Ибраҳимович, Лавесси (Менез, 76).
Огоҳлантиришлар: Верратти (32), Жоау Перейра (32).
Четлатиш: Ибраҳимович (90).