"Манчестер Юнайтед" ҳужумчиси Маркус Рэшфорд клубини ўзгартириши мумкин.
Football Insider нашри хабарига кўра, "Арсенал" 26 ёшли футболчини мақсад қилган. Хабар қилинишича, "канонирлар" жорий мавсум якунланганидан кейин Рэшфордни қўлга киритишга ҳаракат қилади.
Қайд этилишича, футболчининг "МЮ"даги келажаги сўнгги пайтларда тартиб-интизом билан боғлиқ муаммолардан кейин ҳам сўроқ остида қолмоқда.
Аввалроқ, "қизил иблислар" қишда Рэшфордни сотмасликка қарор қилгани ҳақида хабар берилганди. Жорий мавсумда футболчи барча турнирларда 26та ўйинда иштирок этиб, тўртта гол урди ва олтита голли узатмани амалга оширди.
