"Манчестер Сити" ярим ҳимоячиси Кевин Де Брюйне Англия премьер-лигасининг жорий мавсумидаги чемпионлик пойгаси ҳақида гапирди.
"Ҳозир кубок учун курашаётган жамоалар жуда кўп. "Ливерпуль" ва "Арсенал" яқин, бироқ мен шуни айтган бўлардимки, ҳатто "Астон Вилла" ва "Тоттенхэм" ҳам бизга яқин. Энди бу тўртлик чемпионлик учун биз билан курашади. Биз ҳар бир ўйинда ғалаба қозонишимиз керак. Нима қилишимиз кераклигини биламиз. Ҳар доим босим бўлади, лекин биз охиригача курашишга тайёрмиз”, - деди Де Брюйне.
Жорий мавсумда 32 ёшли ярим ҳимоячи барча турнирларда олтита учрашувда иштирок этиб, битта гол урди ва 4та голли узатмани амалга оширди. “Манчестер Сити” айни дамда Англия чемпионатида пешқадам “Ливерпул”дан икки очко ортда қолиб, иккинчи ўринни эгаллаб турибди.
