"ПСЖ" етакчиси Килиан Мбаппе кеча Франция кубоги 1/8 финалида "Брест"га қарши ўйинда жароҳат олди, деб хабар беради Football.fr. Жароҳатига қарамай, 25 ёшли ҳужумчи финал ҳуштаги чалингунча майдонда ҳаракат қилди.
“Килиан тўпиғидан зарба олди, биз унинг ҳолатини баҳолаймиз. Шифокорлар кўрикдан ўтказишади”, - дейди жамоа бош мураббийи Луис Энрике.
Эслатиб ўтамиз, бир ҳафтадан сўнг парижликлар Чемпионлар лигаси 1/8 финалининг илк учрашувини Испаниянинг “Реал Сосьедад” клубига қарши ўтказади. Учрашув 14 февраль куни Францияда бўлиб ўтади.
