Ла Лига президенти Хавьер Тебас "Барселона" президенти Жоан Лапортанинг чемпионлик ҳақидаги сўзларига изоҳ берди.

Олдинроқ Лапорта ҳакамликни танқид қилиб, "Барса" бу масалани таҳлил қилаётганини ва уларнинг рақиблари ҳакамлик қарорларидан фойда кўрган бир қатор ҳолатлар борлигини айтди.

“Ла Лига системаси бузилмаган. Лапорта ҳам, Хави ҳам бундай фикрда эмас. Aммо биз ҳакамлик билан боғлиқ жуда катта ва мисли кўрилмаган кескинлик даврини бошдан кечирмоқдамиз.

Мадрид ва Барселона газеталарида можаро ҳақида ўқиганингизда, битта ўйин ҳақида икки хил фикр бор.

Биз жуда кўп баҳс-мунозаралар ва жуда кўп кескинликларни бошдан кечирамиз ва шунинг учун мен бунга алоҳида эътибор бераман. Бу кескинликларга испан футболи учун энг ёмон нарса бўлган Негрейра иши сабаб бўлаётгани ҳам ҳақиқат.

Лекин "Барса"ни Ла Лига хақиқатан ҳам вайрон қилган деб ўйламайман. Танглик юқори ва бу мени хавотирга солмоқда", - дея Тебаснинг сўзларини келтиради Marca.