"Арсенал" бош мураббийи Микель Артета "Вест Хэм"га қарши АПЛнинг 24-тур учрашувида жароҳат олган футболчилар ўз вақтида тузалиб кета оладими, деган саволга жавоб берди.
"Зинченко ва Томиясу жуда яхши тикланмоқда. Эртага яна бир машғулот ўтказамиз. Умид қиламанки, бир неча киши қайтади ва биз рақобатбардош таркибни майдонга тушира оламиз.
Сака бир ҳафтада тузалиб кетди ва яхши кўринишга эга", - деб жавоб берди Артета.
Эслатиб ўтамиз, "Ливерпуль" билан олдинги ўйинда Александр Зинченко биринчи бўлимда ҳаракат қилган ва танаффус вақтида мушаклари шикастлангани учун алмаштирилган эди. "Вест Хэм"га қарши баҳс 11 февраль, якшанба куни соат 18.00да бошланади.
