Коул Палмер “Кристал Пэлас”га қарши ўйинда (3:1) иккита голли узатмани амалга оширди.

Ўтган ёзда "Манчестер Сити"дан сотиб олинган футболчи ярим ҳимоячилар Конор Галлахер ва Энцо Фернандесга ассист берди.

16 декабрдан буён 21 ёшли ярим ҳимоячи Премьер-лиганинг 7 та ўйинида иштирок этди. Бу даврда унинг ҳисобида 5 та гол ва 4 та голли узатма бор.

Умумий ҳисобда Палмер жорий чемпионатда 20 та учрашувда 10 та гол ва 6 та голли узатмага муаллифлик қилган. У иккала кўрсаткич бўйича ҳам “Челси”да етакчилик қилмоқда.