Мадриднинг “Реал” клуби бош мураббийи Карло Анчелотти “Лейпциг”га қарши ЕЧЛ 1/8 финал дастлабки ўйини олдидан жамоасининг ҳолати ҳақида гапирди.
"Реал Мадрид"нинг мотивацияси ҳар доим юқори, чунки Чемпионлар лигаси тарихдаги энг муҳим турнирдир. Биз ҳар доимгидек унда ҳам ғалаба учун курашамиз. "Реал Мадрид" сўнгги пайтларда яхши ўйин кўрсатмоқда ва биз Чемпионлар лигасида ўйнашдан роҳатланамиз.
Биз шиддатли футболни тарғиб қилувчи жуда юқори савияли рақибга дуч келамиз. Биз тайёр бўлишимиз ва ҳимояда ҳам, ҳужумда ҳам энг яхши ўйинимизни кўрсатишимиз керак", - дея Анчелотти сўзларини келтиради УЕФА расмий сайти.
